Սրբազան Քահանայապետի պատարագը` Սուրբ Փիեթրօ Ֆավրի տօնին առթիւ։

Շաբաթ` 2 օգոստոս 2014-ի առաւօտեան, օգոստոս 1-ին նշուած Սուրբ Փիեթրօ Ֆավրի տօնին առթիւ, Ֆրանչիսկոս Սրբազան Քահանայապետը պատարագ մատոյց, Յիսուսեան միաբանութեան երիտասարդ անդամներու մասնակցութեամբ։
Յիսուսեան միաբանութեան անդամ` Սուրբ Փիեթրօ Ֆավրը եղած է Յիսուսեան Միաբանութեան հիմնադիր` Սուրբ Իգնատիոս Լոյոլայի դասընկեր եւ առաջին միաբանակից։ Ան ծնած է 6 Ապրիլ 1506-ին Սավոյայի Վիլլարէթ գաւառի աղքատ ընտանիքի յարկին տակ։Վախճանած է Հռոմ՝ հիւանդ վիճակի մէջ, 1 օգոստոս 1546 ին։ 1872 ին Պիոս Թ Քահանյապետը, զայն հռչակած է Երանելի եւ անցեալ 2013-ի դեկտեմբեր 17-ին, Ֆրանչիսկոս Քահանայապետը զինք բարձրացուց սուրբերու դասին։
Նշենք թէ երէկ` ուրբաթ օգոստոս մէկին, Ֆրանչիսկոս Քահանայապետը ունկնդրութիւն շնորհեց Կեդրոնական Ափրիկէի առաքելական նուիրակ` գերապայծառ Ֆրանքօ Քոփփոլային մինչ յետմիջօրէին հանդիպում ունեցաւ Տնտեսական Հարցերու Ժողովի կառավարիչ` կարտինալ Ժորժ Փելի հետ։